కురవి వీరభద్ర స్వామి హుండీ ఆదాయం రూ.53.97 లక్షలు

భక్తుల కానుకల లెక్కింపు పూర్తి.. ఆలయ అభివృద్ధికి వినియోగం

డోర్నకల్/కురవి, ఆగస్టు 4 (నమస్తే న్యూస్): మహబూబాబాద్ జిల్లా ప్రసిద్ధ పుణ్యక్షేత్రమైన కురవి శ్రీ వీరభద్ర స్వామి దేవస్థానంలో భక్తులు సమర్పించిన హుండీ కానుకల ద్వారా రూ.53,97,671 ఆదాయం సమకూరింది.మంగళవారం ఆలయ ఈవో నారాయణ ఆధ్వర్యంలో, బ్యాంకు సిబ్బంది సమక్షంలో హుండీల లెక్కింపు కార్యక్రమం నిర్వహించారు. హుండీలను తెరిచి నోట్లు, నాణేలను వేరు చేసి గంటలపాటు లెక్కింపు చేపట్టారు.లెక్కింపు ప్రకారం శ్రీ భద్రకాళి అమ్మవారి హుండీలో రూ.13,43,970, శ్రీ వీరభద్ర స్వామివారి ప్రధాన హుండీలో రూ.40,53,701 లభించగా, మొత్తం హుండీ ఆదాయం రూ.53,97,671గా నమోదైంది.భక్తులు సమర్పించిన బంగారం, వెండి కానుకలను తిరిగి ఆలయ భద్రతా నిబంధనల ప్రకారం హుండీలో భద్రపరిచినట్లు ఈవో తెలిపారు. విదేశీ కరెన్సీ నోట్లు కూడా లభించాయని, వాటిని భారతీయ కరెన్సీగా మార్పిడి చేసినట్లు పేర్కొన్నారు.ఇటీవల ఆలయానికి అధిక సంఖ్యలో భక్తులు తరలివచ్చి ప్రత్యేక పూజలు, మొక్కులు చెల్లించుకోవడంతో హుండీ ఆదాయం గణనీయంగా పెరిగిందని అధికారులు తెలిపారు. ఈ ఆదాయాన్ని ఆలయ అభివృద్ధి పనులు, భక్తులకు మెరుగైన సౌకర్యాల కల్పనకు వినియోగించనున్నట్లు వెల్లడించారు.హుండీల లెక్కింపు కార్యక్రమంలో ఆలయ చైర్మన్ రవీందర్ రెడ్డి, కమిటీ సభ్యులు, పరిశీలకులు, ఆలయ సిబ్బంది, వీరభద్ర స్వామి సేవకులు పాల్గొన్నారు.